Цар тахлын үеэр улсын наадмыг нэг жил өнжсөн. Улмаар Монгол Улсад Залуучуудын байгууллага үүсч хөгжсөний 100 жил, МҮБХ-ны 30 жил, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан барилдааныг Хүй долоо худагт зохион байгуулсан. 
Улмаар Д.Пүрэвдорж нарын гишүүд тус барилдаанд түрүүлж, үзүүрлэн, цолны болзол хангасан бөхчүүдэд цол олгох хуулийн төсөл санаачлан, өргөн барьсан юм.
Тодруулбал, өргөн барьсан хуулийн хүрээнд Хүй долоон худагт барилдсан бөхчүүдэд улсын цол олгох ёстой гэж олон нийт үзсэн. Тэгвэл Ховд аймгийн Зэрэг сумын харьяат бөх, Улсын заан Б.Бат-Өлзийд Монгол Улсын арслан цол олгохоор болсон гэх мэдээлэл байна. Гэхдээ үүнийг МҮБХ-ноос баталгаажуулсан зүйл алга. Олон нийт болон Ховдчууд шинэ арслантай болж байна хэмээн шуугиж эхэллээ.
