Тулгар төрийн 2232 жил, Их Монгол Улс байгуулагдсаны 817 жил, Үндэсний эрх чөлөө, Тугаар тогтнолоо сэргээн мандуулсны 112 жил, Ардын хувьсгалын 102 жилийн ой баярыг тохиолдуулан Монгол Улсын урлаг соёл, спорт, нийгмийн зүтгэлтнүүдэд Монгол Улсын Ерөнхийлөгч У.Хүрэлсүх төрийн дээд цол, одон, медаль гардууллаа.
Ерөнхийлөгч У.Хүрэлсүхийн зарлигаар Ардын жүжигчин Д.Мэндбаяр Монгол Улсын “Хөдөлмөрийн баатар” цолоор шагнагдлаа.
Түүний хань, Монгол Улсын Ардын жүжигчин П.Цэрэндагва өнгөрсөн жил мөн “Хөдөлмөрийн баатар” цол хүртсэн билээ.
Монголын театр, киноны урлагт ийн Ардын жүжигчин, Хөдөлмөрийн баатар хосууд тодорч байна.
