Зам тээврийн ноцтой осол гаргасан Ч.Маралмааг гуравдугаар сарын 6-нд шүүж, тээврийн хэрэгсэл жолоодох эрхийг гурван жилээр хасах, зорчих эрхийг хоёр жилээр хязгаарлах ял оногдуулсан. Гэвч түүнийг өөр дүүргийн нутаг дэвсгэрт зорчиж яваа бичлэг сошиал орчинд нийтлэгдээд байгаа юм.
Тэрбээр тавдугаар сард давж заалдах шатны шүүх хурал болж, анхан шатны шүүхийн шийдвэрийг хэвээр үлдээж шийдвэрлэсэн. Тэгсэн ч Ч.Маралмаа Улсын дээд шүүхэд хандсан. Улмаар түүний хүсэлтийг Дээд шүүх долдугаар сарын 5-нд хэлэлцээд, мөн шүүхийн шийдвэрийг хэвээр үлдээхээр болжээ.
Дээд шүүхийн дээрх тогтоол ШШГЕГ-т албажиж хүрээгүй байгаа тул Ч.Маралмаагийн зорчих эрхийг хязгаарлах ялыг хэрэгжүүлж эхлээгүй байгаа аж. Шүүхийн тогтоолоор шийдвэр гүйцэтгэх ажиллагааг эхлүүлдэг байна.
Тогтоол энэ долоо хоногтоо багтаж ШШГЕГ-т очих бөгөөд үүний дараа түүнд цахим гав зүүлгэж, шүүхийн шийдвэрийг гүйцэтгэх юм байна.
