Нийслэл хот нэг өдрийн борооны ая даахгүй дахин үерт автаж зарим барилгын чанарыг шалгав. Харин чанарын шалгалтад бүдэрсэн барилга байгууламжийн нэгд УОК-ийн дарга, Шадар сайд С.Амарсайханы хамаарал бүхий этгээдүүдийн нэгдэн нийлсэн Оюуны ундраа группийн эзэмшил бүхий Зайсан Хилл цогцолбор байв.
Тодруулбал, бороо орж байх үеэр Улаанбаатартаа л үнэтэйд тооцогдох Праймсинеплексийн дээврээс ус дуслах бус бүүр гоожив.
Бичлэг нь ч цахим орчинд тархсан юм.
Харин энэ талаар бид УОК-ийн дарга, Шадар сайд С.Амарсайханы төрсөн ахын хүү буюу Зайсан хиллийн босс О.Тэнүүнээс лавлахаар залгасан боловч утсаа авсангүй. Улмаар смс бичсэн боловч хариу ч өгсөнгүй. Уг нь тус байгууллагатай холбоотой мэдээлэл гарахад тэд тун эмзэг хүлээн авч, цагдаа шүүхэд хандах болно хэмээн сүржигнэдэг. Харин энэ удаад О. Тэнүүн “сураггүй сарнив”.
Уг нь бороо орохыг О.Тэмүүлэн гэлтгүй Монголын ард түмэнд авга ахынх нь ахалж байгаа УОК, ОБЕГ зэрэг байгууллагууд сэрэмжлүүлэг хүргэсээр байсан. Гэвч үүнээс урьдчилан сэргийлсэнгүй юу, үнэхээр чанаргүй барилга барив уу? Ямартай ч өндөр үнэ шигээ чанартай байж чадсангүй тух алдуулав.
УОК-ийн дарга нь өөрөө Зайсан хиллд хувь эзэмшдэг гэх яриа байдаг. Хэрвээ энэ яриа үнэн бол Шадар сайд, УОК-ийн дарга С.Амарсайхан өөрөө гал алдаж байгаа хүн бусдыг хамгаалах уу гэдэш асуудал урган гарч ирж байна.
