Мэргэжлийн сүмогийн 73 дахь их аварга Терүнофүжи Г.Ган-Эрдэнэ Монгол улсад ирээд тун шахуу цагийн хуваарьтай байгаа ажээ.
Тодруулбал, өчигдөр /2023.07.25/ өөрийнх нь амжилтын түүхийг өгүүлсэн “Ангалын ёроолоос өгсөх маргааш” номын нээлтэд оролцсон бол өнөөдөр Монгол улсдаа гэрлэж, хуримын цайллагаа хийж байна.
Тэрүнофүжи Г.Ган-Эрдэнэ 2023 оны зургаадугаар сарын 11-нд хоёр жил хойшлуулсан хуримаа Японд хийж байсан юм. Аваргын эхнэрийг Ц.Доржханд гэдэг бөгөөд Кёкүтэнхо Н.Цэвэгнямын ойрын төрөл гэдэг. Хосууд Японд ахлах сургуульд сурдаг байхдаа танилцсан ба өнгөрсөн оны арваннэгдүгээр сард хүүтэй болж, хүүдээ Тэмүүжин гэж нэр хайрласан.
