Зам тээврийн ноцтой осол гаргасан Ч.Маралмааг гуравдугаар сарын 6-нд шүүж, тээврийн хэрэгсэл жолоодох эрхийг гурван жилээр хасах, зорчих эрхийг хоёр жилээр хязгаарлах ял оногдуулсан. Энэ хүрээнд тэр ХУД-ийн нутаг дэвсгэрээс гарах боломжгүй болсон.
Гэвч түүнийг өөр дүүргийн нутаг дэвсгэрт зорчиж яваа тухай бичлэг сошиал орчинд түгж, олон нийтийн анхаарлыг татсан удаатай.
Ч.Маралмаа давж заалдсан байдаг. Харин тавдугаар сард давж заалдах шатны шүүх хурал болж, анхан шатны шүүхийн шийдвэрийг хэвээр үлдээсэн. Тэгсэн ч Ч.Маралмаа Улсын дээд шүүхэд хандсан. Улмаар хүсэлтийг УДШ долдугаар сарын 5-нд хэлэлцээд, мөн шүүхийн шийдвэрийг хэвээр үлдээхээр болсон юм.
УДШ-ийн тогтоол албажсан ч ШШГЕГ-т очиж амжаагүй байлаа. Өөрөөр хэлбэл тогтоол ШШГЕГ-т очоогүй учраас УДШ-т хүсэлт гаргасан хугацаандаа Ч.Маралмаа цахим гав зүүгээгүй явсан талаар албаны хүмүүс тайлбарлаж байв.
Тэгвэл тогтоол ШШГЕГ-т очиж албажсанаар энэ даваа гарагаас буюу энэ сарын 24-нөөс эхлэн Ч.Маралмаад цахим гавыг нь дахин зүүлгэжээ.
