Бүгд найрамдах социалист Вьетнам улсын иргэн 20 настай, эмэгтэйг хүчиндсэн этгээдүүдийг олж тогтоон, шалгаж байна гэж Цагдаагийн ерөнхий газрын хэвлэл мэдээллийн төвөөс мэдээллээ.
Хэргийн талаар тодруулбал, цагдаагийн байгууллагад наймдугаар сарын 01-ний өдрийн 02 цагийн орчимд “Гадаад улсын иргэн бусдад хүчиндүүлсэн” гэх дуудлага иржээ.
Дуудлагын дагуу цагдаагийн байгууллагаас шуурхай эрэн сурвалжлах ажиллагааг тасралтгүй зохион байгуулж, 07 дугаар сарын 31-ний өдрийн 22 цаг 30 минутын орчимд Бүгд найрамдах социалист Вьетнам улсын иргэн 20 настай, эмэгтэй Баянзүрх дүүргийн нутаг дэвсгэрт явж байхдаа такси барихад тухайн машинд байсан Монгол Улсын гурван иргэн дээрхи гэмт хэргийг бүлэглэн үйлдсэн болохыг урьдчилсан байдлаар тогтоосон байна. Тухайн хэрэгт 17-20 настай Б, Т, Н нарыг холбогдуулан шалгаж байгаа юм байна.
