Одоогоос 29 жилийн өмнө эрэгтэй, эмэгтэй гоцлол дуучин хоёр хөгжимчинтэй Акуа хамтлаг үүсгэн байгуулагдаж байсан түүхтэй. Хамтлагийн Aqua нэрийг анх бэлтгэлийн өрөөний хананд өлгөсөн «The Danish National Aquarium» плакатны «aquarium» гэдэг үг нь бүгдэд нь таалагдаж урт болохоор хураангуйлан «Aqua» болгосон.
Анх байгуулагдсан цагаас эхлэн хамтлагийн гоцлол хоёр дуучин болох Рене Деф, Лене Найстром нар үерхэж, тухайн цаг үеийн хит дуунуудаа тайзан дээр дуулахдаа тун халуун дотно байдаг байв. Тэд хэдийгээр гурван жил үерхээд салсан ч өдгөө нэг хамтлагт байдаг хэвээрээ бөгөөд сайн найзууд гэнэ шүү.
Эрэгтэй гоцлол дуучин Ренегээс салсан эмэгтэй гоцлол дуучин болох Лене Найстром удаан ганц бие яваагүй бөгөөд хамтлагийнхаа даралтат хөгжимчинтэй 2001 онд гэрлэж 2017 он хүртэл хамт амьдарсан. Тэд энэ хугацаанд хоёр хүүхэдтэй болсон бөгөөд одоо ч нэг хамтлагт, сайн найзууд хэвээрээ байдаг.
Өөрөөр хэлбэл хамтлагийн эмэгтэй гишүүн нь дуучинтайгаа гурван жил үерхээд, хөгжимчинтэйгээ 16 жил амьдраад салсан ч гэсэн өдгөө нэг хамтлагт байж, аялан тоглолт хийсээр байгаа ажээ.
Өдгөө хамтлагийн эрэгтэй дуучин Рене Деф 57 настай. Хамтлагийнхаа гоцлол дуучин бүсгүйгээс салснаас хойш хамтлагаасаа гарч, ганцаарчилсан уран бүтээл хийсэн нь амжилтад хүрсэн юм. Улмаар 2009-2017 онд хоол зүйч Рикке Майжа хэмээх бүсгүйтэй гэрлэж хоёр хүүхдийн аав ээж болсон ч салсан. Мөн л удаан ганц бие яваагүй. Насанд хүрээгүй охинтой үерхэж явсаар өнгөрсөн жил 17 нас хүрэхэд нь гэрлэж өөрийн болгосон.
Хамтлагийн ганц эмэгтэй гишүүн болох Лене Найсторм 50 настай. Түүний хувьд дэлхийн хэмжээний од байхдаа хамтлагийнхаа гоцлол дуучинтай гурван жил үерхсэн гэдгийг бид дурьдсан. Харин салаад удалгүй хамтлаийнхаа даралтад хөгжимчин Сөрэн Растедтай гэрлэсэн. Тэдний гэрлэлт 16 жил үргэлжилж хоёр хүүхдийн аав ээж болсон. 
Тэд ч мөн салсан. 
Хэдийгээр тэд хайр сэтгэлтэй байсан ч гэсэн өдгөө урлаг тэднийг эргэн нэгтгэжээ. Өдгөө тэд аялан тоглолтоо хийж байгаа бөгөөд тун сайхан харилцаатай байдаг гэнэ шүү.
Ингээд хүүхэд насны нэг дурсгал болох Акуа хамтлагийн 29 жилийн өмнөх төрх болон одоогийн төрх, тайзан дээр хэрхэн “гал гаргаж” байгааг харцгаая.
