Цагаан сарын үеүүдэд ёс гэмээр нэр нь дуурсагддаг эрхэм бол Одон зурхайн ухаанаар цаглабар зураглан зохиогч, доктор, профессор, ардын багш Лхасрангийн Тэрбиш юм. 
Монгол цаг тооны төгс буянт зурхайн аргыг сэргээн хөгжүүлж, монголчуудын одон зурхайн уламжлалт мэдлэгийг хадгалах, цаашид хөгжүүлэхэд оруулсан хувь нэмэр, орчин цагийн боловсролын салбарт уламжлалт одон зурхайн тооцооллын сургалт судалгааны арга зүй, төвөд хэлний утга зохиолын орчуулга, тайлбар үйлдэх аргыг шинэчлэн нэвтрүүлж, хойч үедээ уламжлуулан сургасан бодит үр дүн, мэргэжилтэй эх бичиг судлаачдыг бэлтгэх үйлсэд оруулсан хүч хөдөлмөр, багш оюутан судлаачдын сургалт судалгааны их хэрэглэгдэхүүнүүдээр хангасан, хичээл зүтгэл, Монгол хийгээд Төвөд судлалд оруулсан хувь нэмэр, өнөө цагт монгол цаг тооны бичгийг зохион ард олны өдөр тутмын үйл ажиллагаанд хэрэглээний эргэлтэд оруулсан зэргийг нь өндрөөр үнэлэн Монгол Улсын Үндэсний их сургуулийн ахмад багш, Шинжлэх ухааны гавьяат зүтгэлтэн, Шинжлэх ухааны доктор профессор, гавьяат багш Л.Тэрбишд Ардын багш цол хүртээсэн билээ.
Ардын багш, Зурхайч Л.Тэрбиш “Буддын утга соёлын нэр томъёоны уламжлал, хөгжил” сэдэвт Олон улсын эрдэм шинжилгээний хуралд илтгэл тавьж, гялалзаж явна.
Б.Мөнхжаргал
