Л.Энх-Амгалан сайдын эвсэлгүй төрх

Төрийн ордонд тохийсон өндөр хүн холоос том том алхах гүйхийн завсраар ирж байвал Боловсрол, шинжлэх ухааны сайд, УИХ-ын гишүүн Л.Энх-Амгалан байдаг. Цагтаа сэтгүүлч явсан тэрбээр цахимд элдэв шүүмжлэлд өртөхгүй аятайхан “аж төрдөг” байв. Харин саяхан өөрийнхөө нэр хүндийг унагасан пост оруулжээ.
Тодруулбал, “Амралтын өдрийн мэнд. Хөдөө явах замд хадланчидтай таарч цахилгаан хадуураар өвс хадаж үзлээ. Ийм ажлаас үнэндээ төсөөрчээ. Энэ жил өвс ч сайхан ургасан байна” хэмээн өөрийнхөө тун эв хавгүй зурагтайгаа цахимд байршуулжээ.

Өндөр хүн зарим зүйлд тун эвсэлгүй харагддагийн жишээг тэрбээр өөр дээрээ харуулсан уг постоо тун удалгүй устгасан байна лээ. Гэхдээ бид яаж зүгээр байхав сайдынхаа эвсэлгүй төрхийг хадгалаад авалгүй яахав.