Буржгар үстэй, шавилхан биетэй эл эрхэм бол МУГЖ, Дуучин Бямбажавын Гомбо-Очир юм. Дуурь бүжгийн эрдмийн театр хэмээх буйдхан айлын тайзан дээр арав гаруй жил дуулж, Монгол болон дэлхийн сонгодог дуурийн дүрд хувирч, тайзнаа амилуулж, дуурийн урлагийн төлөө ухаан бодол, сэтгэл, хөдөлмөр, зүтгэлээ зориулж яваа чадварлаг дуучин билээ.
Монгол болон дэлхийн сонгодогийг сорчлон тайзнаа амилуулж, буй биеэрээ дуурийн урлагт шингэсэн түүний хөдөлмөрийг төр засаг үнэлж “Монгол улсын гавъяат жүжигчин” цол тэмдгээр шагнасан. 
Түүнийг Зууны манлай дуурийн дуучин, МУАЖ Х.Уртнасан “Б.Гомбо-Очир дуулалт, жүжигчний байдал, тенор хоолойнд өөрийнхөө хичээл зүтгэлийг зуун хувь гаргаж байгаа дуучин” гэж дүгнэсэн бол Төрийн хошой шагналт, МУАЖ, хөгжмийн зохиолч Н.Жанцанноров “Дуучин Б.Гомбо-Очирын хоолой хүчтэй, хоолойгоо жолоодох ухаан сайтай, хоолойгоо хүнд илэрхийлэх сэтгэлийн илэрхийлэл сайтай” хэмээн дуу алдаж байжээ.
Б.Мөнхжаргал
