Х.Нямбаатар Улаанбаатар хотын дарга болсноос хойш хэт шорвог шийдвэр ар араасаа гарсаар байгаа. Үнэндээ Х.Нямбаатарын давс мэт гашуун торгоно, хаана, бооно гэсэн шийдвэр ихдэж байгаагаас автозамын давс багадаж байгааг дараах зургууд батална.
Улаанбаатарт жилийн жилд л өвөл болдог. Жилийн жилд хальтиргаа гулгаа үүсдэг. Гэхдээ энэ жилийнх шиг зам ийм мөсөн бүрхүүл тогтож байсан түүхгүй.
Харин энэ жил л ийнхүү зам мөстөж байгаа нь Х.Нямбаатар анх удаа хотын дарга болоод асуудалд туршлагагүйтэж байна уу? Хэмээн бодох хүн цөөнгүй байна.
Нөгөө талаас хотын ийм замд Х.Нямбаатар даргыг өөрөөр нь жолоо бариулж явуулаад үзүүлэх бодол олон жолоочид төрж байгааг бид уламжилж байна.
Там шиг замаар явуулсныхаа төлөө жолоо бид нараас ГУРВАН ТӨРЛИЙН ТАТАВАР бүрэн авдаг байж, ядаж цас хайлуулагчаа цацаж сурмаар байгааг жолооч нар хүсч байна.
Ийм мөсөн зам дээр зорчуулсны улмаас өвлийн дугуйтай жолооч нарын гаргасан ослын хариуцлагыг Засаг дарга Х.Нямбаатар, дүүргүүдийн Засаг дарга нар болох
- Баянгол дүүргийн Засаг дарга Ө.Сумъяабаатар
- Баянзүрх дүүргийн Засаг дарга БЗД Н.Баярмөнх
- Багануур дүүргийн Засаг дарга С.Давааүсрэн
- Багахангай дүүргийн Засаг дарга А.Сүхболд
- Налайх дүүргийн Засаг дарга Ч.Раднаабазар
- Сүхбаатар дүүргийн Засаг дарга Х.Болормаа
- Сонгинохайрхан дүүргийн Засаг дарга Н.Алтаншагай
- Хан-Уул дүүргийн Засаг дарга Ж.Алдаржавхлан
- Чингэлтэй дүүргийн Засаг дарга Н.Батсүмбэрэл нар болон
НИЙСЛЭЛИЙН ЗАМЫН ХӨГЖЛИЙН ГАЗАР, ХОТ БАЙГУУЛАЛТ ХӨГЖЛИЙН ГАЗАР, ХОТЫН СТАНДАРТ ХЯНАЛТЫН ГАЗАР зэрэг чиг үүрэг нь давхарддаг газрын дарга нар хариуцлага хүлээх ёстой юм.
Мөсөн замаар зорчиж байгаа жолооч нарын хувьд аргаа барахдаа давс биш тос асгаад байна гэх хардлагатай байгаагаа олон нийтийн цахим хуудаст бичиж байна.
Давс ч үгүй дарангуйлалд амьдруулж байж, дагзаараа савж унах вий дээ Х.Нямбаатар дарга аа!!!
Бид хотын замын мөс арилах хүртэл нийслэлийн “мөсөн тээвэр”-ийн зургийг танд сануулсаар байх болно.
А.Баярмаа
