Нийслэлийн Өргөө амаржих газрын даргын үүргийг түр орлон гүйцэтгэгч Г.Баттулга өөрийн хүсэлтээр ажлаа өгөх өргөдлөө өнгөрсөн долоо хоногт өгчээ.
Учир нь тус эмнэлгийн удирдлага, зохион байгуулалт сул, санхүүгийн сахилга батгүй, төрийн хэмнэлтийн хуулийг хэрэгжүүлээгүй, алдаа зөрчил гарсаар байхад хариуцлага тооцоогүй зэрэг олон алдаа дутагдал гарсаар байхад тус эмнэлгийн даргын үүргийг түр орлон гүйцэтгэгч Г.Баттулга арга хэмжээ аваагүй нь ийнхүү ажлаа өгөх үндэслэл болсныг эх сурвалж мэдээлсэн.
Бидэнд ирсэн мэдээллээр Өргөө амаржих газарт 2023 онд хоёр эх, дөч гаруй нярай эндсэн нь ажлаа өгөх үндэслэл болсон гэв.
Одоогоор тус эмнэлэг даргагүй байгаа юм.
Бид тус эмнэлэгт өрнөсөн ноцтой асуудлуудын талаар эргэж мэдээлэх болно.
