НИТХ-ын ээлжит бус VII хуралдаанаар Хотын даргыг томилох асуудлыг хэлэлцэх үеэр өөрсдийгөө ТҮЦ ээр амь зуугчдын холбооны гишүүд гэх иргэд эмх замбараагүй байдал үүсгэж тэрүүхэндээ хөөрхөн бужигнаан үүсгээд авав. Тэнд цугларсан сэтгүүлчид энэ хүүхнүүд урьд нь олон удаа жагсаал хийж байсан өөрөөр хэлбэл “олны танил” хүмүүс байна гэх нь тэр. Тэд хэн бэ, үнэхээр тэмцэгчид үү, улс төрийн ашиг хонжоо хайгчид уу, Тэгвэл дээрх иргэдийн цаана хамгийн хачирхалтайн Иргэдийн Шудрага шүүх ТББ-ын тэргүүн Х.Батялалт гэх эрхэм байдаг бололтой.
Зүгээр л сошиал, хэвлэлийн мэдээнээс түүвэр хийхэд л тэд “Түцээр амь зуугчдын холбоо”, “Худалдаачдын холбоо”, “Ээжүүдийн холбоо”, “Шударга ёс-Шударга төр” хөдөлгөөн, Иргэдийн Шудрага шүүх бус ТББ, Монгол Хүний төлөө нам, гээд маш олон нэрийн дор жагсах, өлсөх, нүцгэлэх, суулт хийх гээд бүх л хэлбэрээр эсэргүүцлийн үйл ажиллагаа явуулдаг юм байна. УРЬД НЬ та Олон улсын эмэгтэйчүүдийн баяр, эх үрсийн баяраар эхчүүд нүцгэлжээ гэсэн мэдээ үзэж байсан гарцаагүй дээрх ТББ уудын гишүүд байх нь тэр. Нэн тэргүүнд Батялалт тэргүүтэй тэмцэгчдийн номер нэг дайсан бол Хууль зүй дотоод хэргийн сайд Нямдорж. Шудрага ёсыг Нямдоржоос гэх уриатай хэлэлцүүлгэ, хэвлэлийн бага хурал ой тоймгүй их хийж, бас их ярьжээ.
Ердөө долоо хоногийн өмнө гэхэд л “Шударга ёс-Шударга төр” хөдөлгөөнөөс Хууль зүй, дотоод хэргийн яамны гадна жагсаал, цуглаан зохион байгуулна хэмээн сүржин даржин хэвлэлийн бага хурал хийв. Гэтэл өнөөх сүржин жагсаал нь нөгөө л хэдэн “Худалдаачдын холбоо”-ны гэх тодотголтой эмэгтэйчүүд, өөрөөр хэлбэл Х.Батялалт л байлаа…
Булган аймагт цагдаагийн алба хаагч нас барсантай холбогдуулан Х.Батялалтыг шалгаж байгаа талаар урьд нь хэвлэлээр явж байсаныг та санаж байгаа бол Өмгөөллийн эрхгүй, албан ёсоор хуульч биш хүн шудрага ёсыг угтаа бол өөрөөсөө л эхлүүлэх ёстой бус уу.
2018 онд МАН-ын байрны гадаа, Сүхбаатарын талбай дээр гээд л мөн л эдгээр эмэгтэйчүүдээр олон хоногоор эсэргүүцлийн суулт нэртэй үймээн самуун хийлгэж байв.
Энэ одоо тэгээд иргэдийн жагсаал уу, аль эсвэл Х.Бат-Ялалтын холбооны тодотголтой хэдэн эмэгтэйчүүдийн жагсаал уу. Үндсэн хуулиар олгогдсон эрхээ хэн ч болов эдлэх эрхтэй хэдий ч Бат-Ялалтын тодотголтой холбооны эмэгтэйчүүдээр нийт Монголчуудын эрх ашгийг уландаа гишгэж боломгүй баймаар.
Өөрийгөө шударга иргэн гэх Х.Бат-Ялалт нь энэ олон холбоо, энэ олон удаагийн жагсаал цуглаан, хэвлэлийн хурлын зардал хийх хөрөнгийг хаанаас хэрхэн санхүүжүүлж байна вэ? гэдэг асуулттай яалт ч үгүй тулгарч байх шиг… Тусалж байна нэрээр холбооныхоо гишүүдээсээ татвар авч тархи угааж улам хоосолж байна уу. Эсвэл намаас санхүүжиж байна уу тайлбарыг танд үлдээе.
Эцсийн мөчид Х.Бат-Ялалтын энэ бүх үйлдэл хэнд ашигтай вэ? Нийгэм нүдтэй гэдгийг ойлгуулж энэ хүнд хариуцлага яагаад тооцохгүй ингээд Монголын нийгэм тоглуулсааар байх уу
УИХ-ын сонгууль ойртсонтой холбогдуулан иргэдийн эмзэг сэдвийг барьж ардын баатар болох гэсэн уваагүй санаагаа хэсэг эмэгтэйчүүдийн төлөөллөөр гүйцэтгүүлж байгаа арчаагүй үйлдэл үү, захиалгат жагсаал уу, эсвэл улс төрийн шантааж уу гэдэг нь илт харагдах биз ээ. Ямартай ч Х.Бат-ялалтын хар муу санааг гүйцэлдүүлж байгаа эдгээр хэдэн эмэгтэйчүүд битгий хохироосой гэсэндээ үнэн мөнийг цөөн хэдэн үгээр дурдлаа.
Эх сурвалж: https://www.facebook.com/groups/1975946789286640/permalink/2226793367535313/
