Хариуцлагагүйн “зуд” нүүрэлсэн Биеийн тамир спортын улсын хороонд өрнөж буй будлиан №2 Ургийн Мод

Биеийн тамир спортын улсын хороо нь хөгжлийн чиг хандлага, хүн амын хэрэгцээнд нийцүүлэн биеийн тамир, спортын салбарын бодлогын үр нөлөөг дээшлүүлэн олон талт, тэгш, хүртээмжтэй, чанартай үйлчилгээг хэрэгжүүлэх замаар бие бялдрын боловсролтой, ёс суртахууны төлөвшилтэй, эрүүл чийрэг иргэнийг төлөвшүүлэх зорилготой байгууллага. Харамсалтай нь тус байгууллагад мэргэжлийн боловсон хүчин дутагдалтай, дарга нь удирдлагаар хангаж чаддаггүй, хамаатан саднуудаараа ажилладаг “цус ойртсон”, хүний гарын үсэг дуурайж зурдаг, ажлын байран дээрээ архидан согтуурдаг, спортын наадам арга хэмжээ бүрээс мөнгө “иддэг” зэрэг олон алдаа зөрчил бугшсан газар болжээ.

Тэгвэл энэхүү будлианы эхлэл болгож тус байгууллагад өнөөдөр өрнөж буй будлиануудыг цувралаар хүргэж байна.

Бид эхний цувралаараа тус газрын ерөнхий төсвийн мэдээлэл болон төсвийн мөнгийг хэрхэн

Харин энэ удаад тус байгууллага дахь ураг төрлийн хэлхээ буюу ургийн модыг 2023 оны байдлаар танилцуулж байна.

Биеийн тамир, спортын улсын хорооны Санхүү, хөрөнгө оруулалтын хэлтсийн Ерөнхий нягтлан бодогч А.Өнөрцэцэгийн бэр нь тус хэлтсийн тооцооны нягтлан бодогч Сувдмаа, төрсөн охин нь Спортын анагаах ухааны эрдэм шинжилгээний төвд музейн харгалзагч, бичиг хэргийн ажилтан хийж байсан. Гэвч АТГ-аас шалгалт орж асуудал үүсэхэд бэр нь охин нь ч ажлаасаа гарсаан байна.

Санхүү, хөрөнгө оруулалтын хэлтсийн даргын үүргийг гүйцэтгэж байсан ажилтан Г.Эрдэнцогт нь Биеийн тамирын бодлогын хэрэжилтийн хэлтсийн дарга О.Баасангийн бэр,

Бодлого төлөвлөлтийн газрын дарга бөгөөд Ес зүйн хорооны дарга О.Гэрэл Гадаад харилцаа, мэдээллийн технологийн хэлтсийн дарга Н.Оюунбат нар нь хамтран амьдрагч

Уг нь тэд Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлах тухай хуулийн 3 дугаар зүйлийн 3.1.5, 3.1.11-т заасан нөхцөл байдал үүүсэх эрсдэлтэй байна.

Агентлагийн даргын зөвлөл хамтын шийдвэр гаргадаг бөгөөд Бодлого төлевлөлтийн газрын дарга болон Гадаад харилцаа, мэдээллийн технологийн хэлтсийн дарга нар тус зөвлөлийн гишүүнээр ажиллаж байна.
Түүнчлэн хөрөнгө орлого, хувийн ашиг сонирхлын мэдүүлэгтээ энэ талаар мэдүүлээгүй, мөн ашиг сонирхлын зөрчил үүссэн эсэх талаар мэдэгдэл, тайлбар гаргаж байгаагүй байна.

Дээрх хамаарал бүхий этгээдүүд нь

• Төрийн албаны тухай хуулийн 31 дүгээр зүйлийн 31.1.3,
• Авлигын эсрэг хуулийн 10 дугаар зүйлийн 10.2,
• Нийтийн албанд нийтийн болон ашиг сонирхлыг зохицуулах, ашиг сонирхлын зөрчлөөс урьдчилан сэргийлах тухай хуулийн 6 дугаар зүйлийн 3,
• мөн хуулийн 8 дугаар зүйлийн 8.2,
• мөн хуулийн 11 дүгээр зүйлийн 11.1,
• 23 дугаар зүйлийн 23.2 дугаар хэсэгт заасныг хэрэгжүүлээгүй гэж үзэхээр байна.

Өөрөөр хэлбэл нэг байгууллагад гэр бүлээрээ ажиллаж, ашиг сонирхлын зөрчил үүсэж болзошгүй байдлыг, хуулийн заалттай нь бид хүргэлээ. Цус ойртолт үндэстэнг мөхөөдөг шиг нэг байгууллага дахь ургийн мод бүхэл бүтэн спортын салбар самрах эрсдэл байгааг Соёл, спорт, аялал жуулчлал, залуучуудын сайд Ч.Номин та анхааралдаа авна уу.
Бид маргаашийн цувралд Бодлого төлөвлөлтийн газрын дарга бөгөөд Ес зүйн хорооны дарга О.Гэрэл ямар алдаа зөрчил гаргаж, өнөөдрийг хүртэл энэхү албандаа “шигдсээр” байгааг хүргэх болно.

А.Баярмаа