ОХУ-ын Ерөнхийлөгч В.Путин манай улсад айлчлал хийсэнтэй холбоотойгоор цагдаагийн байгууллага Төрийн ордон, түүний ойролцоох бүсэд өндөр хэмжээний хамгаалалт гаргасан. Гэтэл Төрийн ордны зүүн талд орших “Туушин” зочид буудлын орчимд Мексик улсын иргэн Г, Испанийн иргэн К-гийн хамт өнөөдөр 15.00 цагийн үед холын тусгалтай, дурантай буутай явж байв.
Төрийн I зэргийн хамгаалалт хэрэгжиж байсан тухайн бүсэд галт зэвсэгтэй явсан гадаадын иргэнийг тэр даруйд нь Сүхбаатар дүүргийн Цагдаагийн газрын I хэлтэст аваачин шалгаж эхэлсэн аж.
Эх сурвалжуудын мэдээлснээр манай улсад тусгай сонирхлын аялал жуулчлал буюу ан агнах зорилгоор ирсэн мексик, испани эрс холбогдох хууль, журмын дагуу бичиг баримтаа бүрдүүлж, тухайн галт зэвсгийг авч явсан гэнэ.
