Монгол Улс, Бүгд найрамдах Солонгос улсын худалдаа, эдийн засаг, хөдөө аж ахуйн салбарын хамтын ажиллагаа сүүлийн 30 жил маш сайн түвшинд байгаа.
🖇Манай улс цэцэрлэг, бүрэн дунд сургуулийн хүүхдийн Үдийн цай хөтөлбөрт сүү уулгах бодлогыг хэрэгжүүлэхээр ажиллаж байгаа. Иймээс cүү, сүүн бүтээгдэхүүний үйлдвэрлэл, нийлүүлэлтэд анхаарах шаардлагатай байгааг хэлж, Солонгос улсын тал тэжээлийн ургамал тариалахад хөрөнгө оруулж хамтарч ажиллахад бэлэн байгаагаа илэрхийллээ.
🖇Монгол Солонгосын хамтарсан хүнсний агро парк байгуулах, хүнсний үйлдвэрлэлийн салбарт хөрөнгө оруулалт хийх, сүү сүүн бүтээгдэхүүн үйлдвэрлэх технологийг сайжруулах боломжтойг зочин төлөөлөгчид онцолсон. Мөн Монгол хонины мах амт, чанартай учраас импортлох сонирхолтой байгаагаа Солонгос компанийн төлөөллүүд хэлж, хоёр улсын хооронд гэрээ хэлцэл хийж, хамтарч ажиллах саналтай байгаагаа хэлсэн юм.
