Г.Эрдэнэбилэгийн орыг Б.Шинэбаяр залгамжилна

МЗЭ-ийн шагналт Б.Цогнэмэхийн зохиол, Төрийн соёрхолт, Урлагийн гавьяат зүтгэлтэн Н.Наранбаатарын найруулга “Тэнгэрийн хүү” түүхэн туульсын жүжиг 2011 онд нээлтээ хийснээс хойш үзэгчдийг байлдан дагуулж, эх түүхээрээ бахархах, газар шороогоо амь мэт хайрлах, Монгол хүн бүрийн зүрх сэтгэлийг сэрээж, омогшуулсаар ирсэн билээ. “Тэнгэрийн хүү” түүхэн туульсын жүжгийн гол дүрд
2011-2017 онд СТА Г.Эрдэнэбилэг
2019 онд СТА Г.Алтангэрэл нар тоглож байсан билээ. Тэгвэл энэ жилээс “Тэнгэрийн хүү” түүхэн туульсын жүжиг шинэ найруулга, шинэ бүрэлдэхүүнтэйгээр 2024.10.04-с Улсын драмын эрдмийн театрын тайзнаа тоглогдох гэж байна.
Энэ удаад Г.Эрдэнэбилэг, Г.Алтангэрэл нарын залгамж халааг “Аав” уран сайхны киногоор олноо танил болж, Ромеогийн дүрээр ур чадвараа олон нийтэд баталсан Б.Шинэбаяр тоглохоор болжээ.
Тодруулбал Модун Шаньюй хааны дүрд СТА Б.Шинэбаяр тоглохоор болжээ. Түүний хааны дүр хувирал нэг ийм болсон байх юм.
Шинэ бүрэлдэхүүн, шинэ найруулагаар тавигдаж буй “Тэнгэрийн хүү” жүжиг урлагт хайртай хүмүүст хүлээлт үүсгээд байгаа байна.