Орон нутгийн сонгууль эхлэхээс өмнө олон нийт замын бордюрыг зүгээр байхад сольж байгааг шүүмжилсэн. Хэл ам, “хэрүүл тэмцэл”-дээ сайн хотын дарга Х.Нямбаатар өдөр шөнөгүй шахам лайв хийж, гэрээт хэвлэлүүдээрээ магтуулсаар байсан билээ.
Харин иргэн О.Отгонтөгс нийслэлд 98 000- 120 000 төгрөгийн үнэтэй нийлүүлэгдэж байгаа бордюр нь БНХАУ дахь үйлдвэрээс гараад Эрээн хот хүртэл хүргэж ирэхэд 21 000 төгрөгөөр нийлүүлэгдэж байгааг илчилсэн. Үүнийг нь Эргэлт.мн сайтын сурвалжилах баг ч газар дээр нь очиж сурвалжилж олон нийтэд хүргэж батлав.
Тэгэхээр зүгээр байсан бордюрыг сольж байгаа ажил нь төсвийн мөнгийг үргүй зарцуулж байж болзошгүй үйлдэл болох нь нотлогдож байх шиг. Зүй тогтлоороо АТГ-аас энэ үйлдлийг шалгаж таарах нь.
Бордюр солих ажлыг санаачилсан, зохион байгуулсан, сольж байгаа бүх үе шатад оролцсон Х.Нямбаатар тэргүүтэй хүмүүс АТГ-т шалгагдах нь цаг хугацааны асуудал болох нь ээ.
Үе үеийн хотын дарга нар орлогч болон хурган дарга нарын хамт авлига албан тушаалын хэрэгт холбогдсон жишгийг Х.Нямбаатар ч тойрохгүй дайраад гарах нь. Харин төсвийн мөнгө хэмнээгүй үнэтэй бордюр “шахсан” үйлдэлд хэн хариуцлага хүлээх бол?
6 сэтгэгдэл
Зүв зүгээр байгаа юмыг солиод байнаа яах вэ АТГ?
Шалгах хэрэгтэй
Хулгайчийг шоронд нь шомбойлгож гянданд нь гялтайлгах хэрэгтэй, ер номхон тэмээг ноолох амар гэдэг шиг ард түмний мөнгийг ингэж идэж болохгүй ээ хамаа
Танай сайт хаагдчих вий дээ!?
Миний нүдээр идсэн уусан юм л харагдахгүй юмаа. Хэдэн газрын наймаачид олигархууд аас болж төрийн төлөө зүтгэж байгаа аавын сайхан хүүг ингэж зүрхийг нь мохоох гэж хар новшнууд
Ene ugaasaa luivarshdee