Насанд хүрэгчдийн Дэлхийн аварга шалгаруулах тэмцээн Исланд улсад 2024.11.11-16-ны өдрүүдэд болж байна. Тэмцээнд манай улсаас МПНХ-ны ерөнхийлөгч, гавьяат дасгалжуулагч Д.Баттулгын удирдлага дор эрэгтэй гурав, эмэгтэй гурван тамирчин өрсөлдөж байна. Тэмцээний эхний өдөр эрэгтэйчүүдийн 83 кг-ын жинд Монгол Улсын тамирчин Б.Дүвжид суултын төрөлд 347.5 кг-ыг өргөснөөр хүрэл медаль хүртлээ.
Энэ нь түүний ДАШТ-ий хоёр дахь хүрэл медаль энэ бөгөөд өмнө нь 2014 оны тус тэмцээнээс хүрэл медаль хүртэж байв.
ОУХМ Б.Дүвжид нь Пауэрлифтингийн ОУХМ цолтой, Олон улсын II зэргийн шүүгч, Биеийн тамир спортн тэргүүний ажилтан бөгөөд 2021 оны дэлхийн клубуудын аварга, 2014 оны Ази тивийн алтан медальтай ба Монгол Улсын 12 удаагийн аварга, дээд амжилтыг эзэмшигч тамирчин юм.
