Улс орон бүрд дурсахыг ч хүсдэггүй, нууж дарагдуулах түүх бий. Өмнөд Солонгосын хүүхэд, хөгжлийн бэрхшээлтэй хүмүүсийн хоригдож байсан газраас сэдэвлэн “Squid Game” киног хийсэн гэх мэдээлэл цахим орчинд байршжээ. Тодруулбал, “Squid Game” киног 1986 онд болсон бодит үйл явдлаас сэдэвлэн бүтээсэн бөгөөд Өмнөд Солонгост барьцаалагдсан хүүхэд, хөгжлийн бэрхшээлтэй хүмүүсийг хүнгүй газарт тэвчишгүй хөдөлмөр эрхлүүлж байжээ. Улмаар тэдний дунд “Squid Game” кинон дээр гардаг шиг харгис тоглоом зохион байгуулж байсан гэх мэдээлэл тархав.
Хэдийгээр уг мэдээлэл дэлхий дахинд тархаж, хандалт өндөр байгаа ч худал гэнэ шүү. Огт тийм үйл явдал болоогүй, бүртгэгдээгүй гэдгийг албан эх сурвалжууд мэдээллэв.
Харин уг киног бүтээхдээ Ах дүүсийн өргөө гэх асрамжийн газраас санаа авсан байж болзошгүй гэнэ. Тодруулбал, Ах дүүсийн өргөө нь 1976-1987 оны хооронд Өмнөд Солонгосын Бусан хотод үйл ажиллагаа явуулж байсан хорих лагерь байсан. Хэдийгээр орон гэргүй хүмүүст хоргодох газар байсан ч хоригдлуудыг хүчирхийлж, тарчлааж, бүр хөнөөсөн тамын байшин байсан юм.
