Цахим орчинд шууд дамжуулалт хийхдээ хараал хэлсэн Бурханы хүү Б.Баярбаатарыг цагдаагийн байгууллагаас Зөрчлийн тухай хуулийн 5.2 дугаар зүйлийн 1 дэх хэсгийн 1.4 дэх хэсэгт зааснаар Зөрчлийн хэрэг нээж, шалгалтын ажиллагаа явуулсан аж. Шалгалтаар Хэл шинжлэлийн хүрээлэнгээс шинжээч томилуулан дүгнэлт гаргуулахад шууд бичлэгийн үеэр хэлсэн ёс бус үгс нь бусдыг үл хүндэтгэсэн гэж үзэн шүүхэд шилжүүлж, улмаар шүүхээс холбогдогч Б.Баярбаатарт 30 хоног баривчлах шийтгэл оногдуулсан байна.
Үүнийг Б.Баяртбаатар болон түүний өмгөөлөгчид эсэргүүцэн Нийслэлийн давж заалдах шатны шүүхэд хандсан бөгөөд өнөөдөр болсон шүүх хурлаар анхан шатны шүүгчийн шийтгэврийг хүчингүй болгож зөрчлийн хэргийг хэрэгсэхгүй болгов.
