Дуу гэдэг өөрийн хувь тавилантай байдаг. Тэр дуулсан дуучнаараа овоглогдож, шинэ залуу дуучдаар дахин амилж, ард түмэндээ дахин хүрдэг. Сүүлийн үед хуучны дуунуудыг сэргээн дуулах хандлагатай болсон. Өнөөдрийн бидний онцлох дуу бол Монгол тулгатны зуун дууны нэг “Ханан сүлжээ нэхээс” дуу юм. Уг дууны шүлгийг яруу найрагч Б.Доржпалам, хөгжмийг төрийн соёрхолт, Д.Бадарч бичжээ.
1988 онд зохиогдсон уг дууг Б.Сийлэгмаа /МУГЖ/, Н.Амгалан /МУГЖ/ нарт зориулан бүтээсэн ба тэр хоёрын дуулалтаар монголын ард түмний сэтгэлд хоногшсон энэ хоёр дуучны нэрийн хуудас болсон дуу юм.
Б.Сийлэгмаа /МУГЖ/, Н.Амгалан /МУГЖ/ “Ханан сүлжээ нэхээс”
Өөрсдийн нэрийн хуудас болсон “Ханан сүлжээ нэхээс” дууг хоёр гавъяат маань өөр өөр тэр тусмаа шинэ залуу дуучидтай хамтран дуулж хүргэсэн нь олны анхаарлыг татав. Ямар ч дуучинтай хослон дуулж чаддаг хэмээн үнэлэгддэг Э.Чулуунчимэг/МУСТА/ уг дууг Б.Сийлэгмаа гавъяаттай хамтран дуулж, клипжүүлэн хүргэв.
Б.Сийлэгмаа /МУГЖ/, Э.Чулуунчимэг/МУСТА/ “Ханан сүлжээ нэхээс”
Гуч гаран жил дуулагдаж байгаа “Ханан сүлжээ нэхээс” дууны бас нэгэн сонирхолтой хувилбар бол Н.Амгалан /МУГЖ/ өөрийн шавь Б.Батцэцэглэнтэй хамтран дуулсан нь байлаа.
Н.Амгалан /МУГЖ/, Б.Батцэцэглэн “Ханан сүлжээ нэхээс”
Хоёр гавъяат тус тусдаа залуу уран бүтээлчидтэй дуулж түмэн олноо дахин энэ дууг хүргэж байгаа нь гавъяатуудын зангараг гэлтэй. ” “Ханан сүлжээ нэхээс” дууг хэн сайн амилуулсанг та бүхэн дор бүрнээ тунгаах биз ээ.
Манай харьцуулалт булан хэн нэгэн уран бүтээлчдийг хооронд нь харьцуулдаггүй ба нэг дууны олон хувилбаруудыг нэг дороос сонсох, мэдрэх боломжыг олгодог билээ.
[Монгол Тулгатны 100 дуу] – Ханан сүлжээ нэхээс
Монгол Тулгатан
