МАН-ын газрын дарга болон тус намын гишүүд хоорондоо маргалдаж, гудамжинд зодолдсон хэрэг гарчээ. Уг зодооны улмаас хоёр хүн гэмтэж, өдгөө эмнэлгийн тусламж үйлчилгээ авахын зэрэгцээ хэргийг цагдаагийн байгууллагад шалгуулж байгаа ажээ.
Тодруулбал, МАН-ын Цахим хөгжил, инновацын газрын дарга Н.Жавхлан Солонгос улсын элчин сайдын гадна талбайд намынхаа нэр бүхий хүмүүстэй маргалдан улмаар зодолдсон хэрэг 2025.03.11-ны өдрийн орой болсон байна. Түүнд зодуулсан хүн эмнэлгийн тусламж үйлчилгээ авсан гэх мэдээлэл байна.
Бид энэ хэргийн талаар Н.Жавхлангаас тодруулахад хэргийг цагдаагийн байгууллагаас шалгаж байгаа. Нууцын баталгаанд гарын үсэг зурсан болохоор ярих боломжгүй байна. Харин энэ хэргийн талаар мэдээлэх юм бол хуулийн байгууллагад хандах болно гэсэн юм.
Цагдаагийн байгууллагаас энэ хэргийн талаар тодруулахад тухайн хэргийг Хан-Уул дүүргийн цагдаагийн нэгдүгээр хэлтэст шалгаж байгаа. Цагдаагийн 102 дугаарт энэ хэргийн дуудлага 2025.03.11-ны өдөр ирсэн гэв.
Өнөөдрийн байдлаар зодсон гэх МАН-ын Цахим хөгжил, инновацын газрын дарга Н.Жавхлан, зодуулсан гэх этгээдүүд шүүх эмнэлэгт үзүүлж, гэмилийн зэрэг тогтоолгохоор хандаад байгаа аж.
МАН-ын Цахим хөгжил, инновацын газрын дарга Н.Жавхлан нь 2024 оны УИХ-ын сонгуульд МАН-ын листэд жагссан хүн юм. Тэрбээр өдгөө эмчилгээ хийлгэн ажилдаа ирэхгүй байгаа бөгөө бид энэ хэргийн талаар эргэж мэдээлэх болно.
