Нийслэлийн Засаг дарга бөгөөд Улаанбаатар хотын Захирагч Х.Нямбаатар өнөөдөр (2025.04.08) Сүхбаатарын талбайд ТҮЦ эрхлэгчидтэй тааралдаж, зугтах нь холгүй машиндаа суугаад явсан юм. Ингэхдээ тэрбээр цагдаа нарт үүрэг өгч өөрийгөө хамгаалуулсан бөгөөд машиных нь урд зогссон эмэгтэйчүүдийг мөн л цагдаа нараар хүчээр холдуулуулан “зугтан” одсон. Энэ талаар иргэн Ж.Одонгоо бүсгүйн шууд дамжууалтаас харах боломжтой.
ТҮЦ эрхлэгчдийн хувьд тэмцлийн боломжит бүхий л хувилбараар эсэргүүцэж байгаа ч хотын дарга Х.Нямбаатартай уулзалдаж асуудалд гарц шийдэл олж чадаагүй. Тиймдээ ч ТҮЦ эрхлэгчид аргаа барахдаа ийнхүү уулзалдахын тулд хэрэглэсэн арга нь энэ байжээ.
Хэдийгээр иргэн Ж.Одонгоо шууд дамжуулалтын үеэр чанга дуугарч байсан ч хотын дарга Х.Нямбаатарын биеийн хэлэмж, үг үйлдэл нь түүний нэр хүндийг олон нийтийн дунд улам унагав. Тодруулбал, Х.Нямбаатар зөвхөн өөрийнхөө хэлсэн үг, байр сууриа хэвлэлийнхээ албаар дамжуулж олон нийтэд хүргэдэг байснаас хэвлэлд ярилцлага өгч байсан түүх бараг “байхгүй” буюу “хайрцаглагдсан” нэгэн болж хувирсан.
Ингэхдээ тэрбээр хөмсгөө атиралдуулан зангидаж, дуугаа өндөрсгөн бусдыг загнаж, дарангуйллын шинжтэй шийдвэр гаргасаар байгаа нь олон нийтийн эсэргүүцэлтэй тулгарсаар байгаа юм. Түүний хаалттай байдал ийнхүү иргэдийг бухимдуулахад хүргэлээ гэж олон нийт цахимд бичиж байна.
Хэрвээ үнэхээр хотын дарга юм бол яагаад нийслэлчүүдээсээ зугтаж, ингэхдээ төрийн албан хаагчдыг ашигласан аархал нь муухай харагдуулж байгааг цахимд бичиж байгааг хотын дарга минь харж, үг үйлдэлдээ дүгнэлт хийх биз эээ!!!
