Ирэх зургаадугаар сарын 13-нд “Будапешт-2025” жүдо бөхийн дэлхийн аварга шалгаруулах тэмцээн эхэлнэ. Тэмцээн долоо хоног үргэлжилж 20-нд өндөрлөх юм.
Энэ жилийн дэлхийн аварга хаяанд ирж байгаатай холбоотойгоор Олон улсын жүдо бөхийн холбоо тамирчдын чансааг шинэчлэн зарлаад байна. Тодруулбал, ДАШТ-нд өрсөлдөх боломжтой эхний 100 тамирчныг жин тус бүрээр зарлалаа.
Жин тус бүрийн шилдгүүдийн эгнээнд манай 30 тамирчин багтсаныг бид мэдээлсэн. Харин энэ удаа Б.Баасанхүү, Г.Болор-Очир нарыг онцолж байна. Тэд бол жүдогийн спортоос “төрсөн” хосууд бөгөөд хоёул ДАШТ-нд оролцох эрхтэй болжээ.
