Ерөнхий сайд Л.Оюун-Эрдэнийн том хүү найз бүсгүйдээ гэрлэх санал тавьсан нь цахим орчинд ихээхэн анхаарал татсан.
Монголчууд бусдын аз жаргал руу шүлсээ үсчүүлдэггүй ч энэ удаад үнэхээр тэвчээр нь алдарч шударга бусын өмнөөс нийгмээрээ бухимдсан нь энэ. Тодруулбал, Ерөнхий сайд жилийн 200 гаруй сая төгрөгийн орлоготой ч хүү нь түүний нэг жилийн орлогын 10 хувьтай нь тэнцэх хэмжээний үнийн дүнгээр гэрлэх санал тавьсан гэж байгаа. Ажил хийдэггүй, хорь гаруй насны хонгор зүстэй хүүд энэ хэмжээний бэл байх эсэх нь эргэлзээтэй тэр. Ядаж байхад ирээдүйн худ нь аврах гэж байгаад “алаад хаясан”. 
Тэгвэл энэ цаг үед Ерөнхий сайд хамгаалагч нараа дагуулсаар орон нутагт буюу Гашуун сухайтад ажиллаж байгаа.
Мэдээж түүнээс сэтгүүлчид тайлбар авахыг хүссэн ч хамгаалагч нараараа “хана босгоод” алхам ч ойртуулахгүй байгаа аж. Ерөнхий сайдын орон нутаг дахь ажлыг сурвалжилахаар явсан сэтгүүлчид өчигдрөөс хойш араас нь тайлбар авах гэж хөөцөлдсөн боловч хамгаалагч нар нь ажлаа дэндүү сайн хийгээд байгаа гэнэ шүү. 
УИХ-ын чуулганы танхимд өөрөөс нь эгч, албан тушаал дээгүүр хүнийг “дээрэлхэж” байгаа харагдсан Ерөнхий сайд маань энэ удаад олон нийтийн өмнө гарч тайлбар хийхээс эмээсэн бололтой.
