Япон улсын Токио хотод зохион байгуулагдсан “2026 Japan National Para Powerlifting Invitational Championships” тэмцээний эрэгтэйчүүдийн -59 кг-ийн жинд Монгол Улсын тамирчин, Олон улсын хэмжээний мастер Даваа-Очирын Жигмэд амжилттай оролцож, 153 кг жин шахан мөнгөн медаль хүртлээ.
Тус жинд хүчтэй өрсөлдөгчидтэй эн тэнцүү өрсөлдөн Д.Жигмэд ийнхүү хоёрдугаар байранд шалгарч, Монголын пара пауэрлифтингийн нэр хүндийг олон улсын тавцанд өндөрт өргөлөө.
Энэхүү тэмцээн нь 2026 оны 1-р сарын 17–18-ны өдрүүдэд Токио хотын Plaza Heisei ордонд болж, Японы Пара пауэрлифтингийн холбооноос зохион байгуулсан олон улсын чанартай нэр хүндтэй тэмцээн юм.
Д.Жигмэдийн энэхүү амжилт нь ирэх томоохон олон улсын тэмцээнүүдийн өмнөх чухал бэлтгэл, урам зориг болж байна.
