УИХ-ын сонгуулийн үеэр буюу 2024 оны зургаадгаар сард иргэн О.Отгонтөгсийг зочид буудалд амарч байхад тухайн үеийн Эдийн засгийн хөгжлийн сайд Ч.Хүрэлбаатар зөвшөөрөлгүй дайрч орж, бичлэг, шууд дамжуулалт хийсэн билээ.
Зочид буудлын өрөөнд ийнхүү дайрч орсон үйлдэл нь Эрүүгийн хууль болон Зөрчлийн хуулиар хариуцлага хүлээх ёстой ч Ч.Хүрэлбаатар хариуцлага хүлээх бус иргэн О.Отгонтөгсийг худал мэдээлэл тараасан хэмээн цагдаад хандсан байдаг. Түүний энэхүү өргөдлийн дагуу эрүүгийн хэрэг үүсээгүй бөгөөд прокуророос хэргийг гурван удаа хаасан юм.
Тэгвэл Ч.Хүрэлбаатар ажил хэргийн эр төрд халдсан хэмээн иргэний хэргийн шүүхэд ханджээ. Ч.Хүрэлбаатарын нэхэмжлэлийн дагуу Баянзүрх, Сүхбаатар, Чингэлтэй дүүргийн Иргэний хэргийн анхан шатны тойргийн шүүхэд иргэний хэрэг нээж, өнөөдөр уг хэрэгтэй холбоотой ажиллагаа болох аж.
Бид энэ хэргийн талаар эргэж мэдээлэх болно.
А.Баярмаа
