Монголын Бурхны шашны тэргүүн, Оройн Дээд Очирдара Аравдугаар Богд Жавзандамба хутагт Данзан Жамбал Чойжи Ванчүг бага ангийн боловсролоо амжилттай төгсөж, төгсөлтийн баяраа тэмдэглэн өнгөрүүлжээ.
Энэ баярт мөчийг тохиолдуулан түүний ээж Н.Мөнхнасан цахим хуудсандаа “Эрдэмд замчилдаг буянт багш нартаа баярлалаа. Бага ангийн төгсөлтийн баяр сайхан боллоо” хэмээн сэтгэгдлээ хуваалцсан байна.
Ийнхүү Аравдугаар Богд Жавзандамба хутагт бага боловсролын шатнаа амжилттай суралцаж төгсөөд, боловсролынхоо дараагийн шатанд дэвшин суралцахаар болжээ. Түүнд сурлага, эрдмийн их үйлсэд нь амжилт хүсье.
