Б.Цэцэг шатахууны үнийн өсөлттэй холбоотойгоор байр сууриа цахим хуудсаараа илэрхийллээ.
Тэрбээр “Олны анхаарал наадмаар сарнисан үеийг тааруулж шатахууны үнээ сэмхэн нэмдэг хуучин тактик хэвээр байна. Шатахууны үнэ нэмэгдэх нь зөвхөн автомашины шатахууны зардал өсөх асуудал биш. Үүнийг дагаад талх, сүү, өргөн хэрэглээний бараа, тээврийн үйлчилгээ зэрэг олон бүтээгдэхүүн, үйлчилгээний үнэ гинжин урвалаар өсдөг. Баярын үеэр иргэдийн анхаарал суларсан мөчийг ашигладаг энэ тогтолцоо хэзээ өөрчлөгдөх вэ. Амьжиргааны өртөг өсөж, цалингийн худалдан авах чадвар улам буурч байна” хэмээн бичжээ.
