Улсын их хурлын “бөхчин” гишүүн А.Сүхбат отгон гэргий Н.Гарамхандаа төрхөмдөнө буцааж, өөрөө хоёр дахь эхнэр гэгддэг Содоотойгоо хамт амьдрах болжээ.
Адтай сэргэлэнгээрээ гайхагддаг Н.Гарамханд, А.Сүхбат аварга нарын амьдрал өнгөрсөн жилээс ан цав үүсэх болсон бөгөөд эцэст нь салах шийдвэрийг гаргажээ.
Н.Гарамханд бүсгүй хөвгүүдээ аваад гадагшаа амьдрах бодолтой байдаг ч аварга зөвшөөрдөггүй болохыг ойр дотныхондоо хуучилдаг аж.
Харин “даян аав” хочтой А.Сүхбат аварга тун удахгүй шинэ үрийн зулай үнэрлэхээр хүлээж буйг эх сурвалж мэдээлээ.
Түүний хоёр дахь эхнэр, хоёр хүүгийн ээж Содоо дахин А.Сүхбат аваргад шинэ хүн төрүүлж өгөхөөр давхар биетэй болсон гэнэ.
Цагтаа МУГЖ, дуучин Т.Ариунаагийн тогооч байсан Содоо Баянхонгор аймгийн Аюуш хэмээх хүчит арслангийн ач охин гэдэг.
Өдгөө “RicoS Restaurant & Lounge”-ийн эзэн тэрбээр нуруу туруу, царай зүсээрээ хэнийг ч дагуулахааргүй нэгэн. Даян аваргын анхны гэргий Б.Баясгалантай дотносож амжсан сэргэлэн бүсгүй. Тийм ч учраас хоёр дахь хүүгээ төрүүлэхэд нь Даян аваргын анхны гэргий Баясгалан эргэж очсон гэдэг.
