Хөдөлмөрийн баатар, гавьяат тамирчин, Олимпийн алт, мөнгөн медальт Н.Түвшинбаярыг монголчууд Найдвар алддаггүй Найдангийн Түвшинбаяр хэмээн бахархацгаадаг.
Жүдо бөхийн спортоор хичээллэж эхэлснээсээ хойш Олимп, дэлхийн медалиудыг хүртэж, монголчуудаа баярлуулсан тэрбээр өнгөрсөн 2017 онд Чингис хаан одонгоор шагнуулсан юм.
Тодруулбал, улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, төр, нийгэм, үндэстний өмнө онцгой гавьяа байгуулсан нэг иргэнийг шагнадаг Монгол Улсын төрийн дээд шагнал-тэргүүн зэргийн одон болох Чингис хаан одонг Олимпын аварга, Хөдөлмөрийн баатар жүдоч Н.Түвшинбаяр хүртсэн юм.
Түүнийг Чингис хаан одон хүртэхэд аав, ээж болон гэргий, найз нөхөд, шүтэн бишрэгчид нь хүрэлцэн ирсэн.
Түүний гэргий элдэг даруухан халамжтай бүсгүй байдаг ажээ.
