Сэтгэл судлалын салбарын хамгийн чухал бөгөөд хамгийн бага орон зайг эзэлдэг ойлголт бол найз нөхдийн талаар ойлголт байдаг. Энэ яриа улиг болсон мэт сонсогдож байж болох ч хүмүүс гэр бүлийнхнээсээ илүү найз нөхөдтэйгээ ойр дотно байдаг гэдэг нь маргах аргагүй үнэн болжээ.
Тэгэхээр энэхүү найз нөхдийн талаархи ойлголт нь эмэгтэйчүүдэд хамгийн чухал болохыг Оксфордын их сургуулийн хэсэг эрдэмтэд тогтоосон бөгөөд эмэгтэйчүүд найз бүсгүйчүүдтэйгээ илүү ойр ойрхон уулзаж байх хэрэгтэй гэдгийг судалгааны үр дүнд батласан байна. Уг судалгааны үр дүнд эмэгтэй хүн найзуудаа долоо хоногт 2удаа харж байх нь амьдралын бүхий л цаг мөчид аз жаргалтай байх үндэс суурь болдог гэдгийг тогтоосонд явдал юм.
Судалгааны багийн судлаач Робин Дунбар өгсөн ярилцлагадаа, эмэгтэй хүн 7 хоногт 2 удаа хамгийн сайн 4 найзаараа уулзаж “хамтдаа хийдэг зүйлсээ хийснээр” тэдний биеийн ерөнхий эрүүл мэнд сайжран сайн сайхан байх үндэс нь илүү их нэмэгддэг хэмээн онцлон тэмдэглэжээ. Хамт хийдэг зүйлсийн жагсаалтад: юм ууцгаах, хов жив ярих, өрсөлдөгчийнхөө талаар ярих. Мөн уг судалгаагаар найз хүүхнүүдээрээ хийсэн чанартай уулзалт нь эрүүл мэндийн маш олон талын ашиг тустай гэдгийг илрүүлжээ, үүнд: өвчин хурдан хугацаанд илаарших, дархлааны систем сайжрах, сэтгэлийн түгшүүр багасах, эмэгтэй хүнийг ерөнхийд нь сайн сайхан байлгадаг өгөөмөр сэтгэлийг нэмэгдүүлдэг байна.
Мэдээж хэрэг нөхөрлөл бүр адилгүй юм. Хамтдаа аялал зугаалгаар явдаг бүлэг найз охидын багтай байх нь сайхан ч хүн бүр өөр, эмэгтэй хүн бүр ийм багтай байхыг хүсэхгүй бас хэрэгтэй гэж үзэхгүй байх. Энэхүү судалгааны хамгийн гол санал болгож зүйл бол 4 найз бүсгүйчүүдээрээ уулзах нь хамгийн тохиромжтой төдийгүй бие болоод сэтгэл зүйн эрүүл мэндэд маш чухал нөлөөтэй болохыг тогтоосон явдал юм. Эмэгтэй хүн өөрийг нь инээлгэх зүйлийн талаар ярилцаж байхдаа илүү их харилцаанд орж байдаг гэнэ. Уулзаж байгаа баг 5аас дээш хүний бүрэлдэхүүнтэй болох үед аз жаргалтай, сайн сайхнаар инээлгэх тэрхүү энергийн түвшин багасдаг ажээ.
