Энэ оны 4 сарын 23-ны өдрийн Эрүүл мэндийн сайдын А/259 дүгээр тушаалаар “Коронавируст /COVID-19/ халдварын сэргийлэлт, хяналт ба эмнэл зүйн менежмент” сэдвээр эрүүл мэндийн ажилтнуудад чиглэгдсэн сургалтыг 21 аймагт зохион байгуулах тушаал гарсан билээ.
Энэхүү тушаалыг хэрэгжүүлэх үүднээс ЭМЯ-ны Сувилахуйн тусламж үйлчилгээний бодлогын хэрэгжилтийн зохицуулалт хариуцсан мэргэжилтэн С.Алтанбаганаар ахлуулсан ЭМЯ-ны мэргэжилтэн, АШУҮИС-ийн багш нараас бүрдсэн 6 хүний бүрэлдэхүүнтэй баг манай аймагт ирж 3 хоног ажиллалаа.
Энэ хугацаандаа Эрүүл мэндийн салбарын эмч, эмнэлгийн тусгай мэргэжлийн 20 орчим хүнийг сургагч багшаар бэлтгэсэн байна.
Өнөөдөр тэд аймгийн Засаг дарга А.Түвшинжаргалтай уулзаж COVID-19-ийн үед аймаг орон нутгаас авч хэрэгжүүлж буй үйл ажиллагааны талаар ярилцаж санал бодлоо солилцлоо.
ЭМЯ-аас ирсэн энэхүү сургалтын баг өнөөдөр Жаргалант суманд ажиллаад буцна.
Мэдээллийн төв
