С.Зоригтыг UBS телевизээр овоглодог дуучин А.Хишигдалайтай хамтран хэд хэдэн уран бүтээл хйисэн гэвэл мэдэхгүй хүн байхгүй биз ээ. Мөн тэрээр жүжиглэх авъяастай болохоо “Фэйсбүүк од” кинонд тоглоод харуулаад амжсан. Тэгвэл тэрбээр саяхан нэг нэвтрүүлэгт орохдоо ганц бие гэдгээ зарлаж, ирээдүйд эхнэр болох хайртаа хаа сайгүй хайсаар байгаагаа “тунхаглажээ”. Энэ тухайгаа “Хэдэн жилийн өмнө анхны хайртдаа хаягдаад нэг хэсэг маш их сэтгэлээр унадаг байсан. Тиймдээ ч бүх анхаарлаа уран бүтээлд хандуулж, өөрийгөө сатааруулдаг байлаа. Харин одооноос шинэхэн хайр дурлалд өөрийгөө бэлтгэж байна. Ер нь бол хайртаа хаа сайгүй хайж байна даа” хэмээн ярьжээ. Сонирхуулахад, тэрбээр өнгөрсөн жил хамрандаа мэс хүргэж, янзлуулсан гэдэг.
