Мөнхийн залуу” алдрын төлөөх тавин настнуудын өрсөлдөөн
Мөнхийн залуу нас, гоо үзэсгэлэнг өөртөө цогцлоож яваа хэмээн тодотгодог топ модель Э.Одгэрэл загварын тайзнаас өнөөг хэр нь буугаагүй гунхаж яваа.
Хэдийнэ тавин насны босго давсан топ модель маань саяхнаас “Мөнхийн залуу” алдрын төлөөх бас нэгэн өрсөлдөгчтэй болоод авч. Тэр нь МУГЖ, дуучин Т.Ариунаа.
Мөн л тавин насны босго давж, эмээ болсон гавьяат маань гоо сайхны мэс засал, элдэв ажилбарын ачаар түүнтэй эн зэрэгцэхүйц хэмжээнд харагдах болж. Залуу цагтаа цөөнгүй мэс ажилбар хийлгэсэн ч, цагийн эрхээр чамгүй хөгширсөн Т.Ариунаа гоо сайхандаа дахин “хувьсгал” хийсэн нь энэ. Одоо түүнийг 20 настай залуу охин шиг л харагдаж байгаа талаар хэн хүнгүй шагширч суугаа байх.
“Carardil” брэндийн албан ёсны нүүр царай болж яваа топ модель, дуучин хоёр маань гоо зүс, гоёлын будалт, гоёмсог хувцасны ачаар тавин настнууд гэхээргүй гайхалтай дэгжин шаавай харагдаж байгаа биз. Үеийнхэн нь үр ачаа тойруулж, гэрийн мухар сахиж суухад тэд загвар, урлагийн тайзан дээр ил гялалзаж, эрс залуужиж байгаа нь харин ч бүр бахархмаар хэрэг шүү.
Тас.мн
