М.Зоригт өнөөдөр тусгаарлалтнаас гарна
“Бидний цөөхөн монголчууд” төслийг санаачлагч, УИХ-ын гишүүн асан, Зам тээврийн хөгжлийн сайд асан М.Зоригтыг монголчууд андахгүй.
ОХУ-д аялж яваад covid-19 цар тахлын улмаас хөл хорионд орж, тус улсад өвөлжиж, хаваржсан тэрбээр гурав хоногийн өмнө Алтанбулагийн боомтоор дамжин эх орондоо иржээ. Одоо Дархан-Уул аймгийн нэгдсэн эмнэлэгт н.Нямбаяр гэх залуугийн хамтаар нэг өрөөнд тусгаарлагдсан байсан. Тэгвэл тэрээр өнөөдөр тусгаарлалтнаас гарах аж.
Энэ тухайгаа өөрийн цахим хуудаснаа мэдэгдээд “Машинаа л их санаж байна. Гишгэж өгнө дөө” гэжээ.
Тэрээр өнгөрсөн 21 хоног тусгаарлалтад байхдаа өрөөнийхөө цонхондоо ялаа, шумуулаас сэргийлж тор хадсан бол 00 өрөө, усанд орох өрөө, коридорынхоо шалыг хулдаасалж, эмнэлгийн машины дөрвөн дугуйг ч сольж, өгч шинэчилсэн тухайгаа нийтлэж байсан.
