Цахим орчинд “Цэнхэр үст” хэмээн алдаршсан Э.Цэрэндолгорын бэр, тэмээчин Н.Байгалмаа өнгөрсөн хавар нөхрөөсөө салж буйгаа албан ёсоор мэдэгдэж байлаа.
Аялал жуулчлалын салбарт анх хөл тавьсан цагаасаа хойш “Цэнхэр үст” эмэгтэйд адлагдаж, амин хайртай хүүгийнх нь эхнэр болоод улам ихээр шоовдорлогдсон гэх энэ бүсгүй өнгөрсөн хугацаанд сайн муу олон зүйлийг туулсан.
Олон нийтэд өөрийнх нь тухай таагүй ойлголт өгч, хувийн зураг хөргийг нь дэлгэж нэр хүндэд нь ноцтой халдсан хадам эхийгээ уучилсан ч, тэдний харилцаа улам бүр хөндийрсөн гэдэг. Аргаа барсан нөхөр нь төрсөн эхийнхээ цахим хаягийг хакердаж, олон дагагчтай пэйж хуудсыг нь зараад, нүцгэн шалдан зургуудыг нь хариу цохилт болгон дэлгэсэн айхтар тэмцэл өрнөж байв. Үүнээсээ болж шүүхийн хаалга татсан ч, эхийн зүгээс гомдолгүй гэсэн тул тэнсэн харгалзах ялаар шийтгүүлсэн юм.
Тэгвэл өдгөө ойр зуурын аялал хийж, өөрийгөө эрхлүүлж яваа тэмээчин Н.Байгалмаа эр нөхөртэйгээ эргэн нийлж, охидоо өнчрүүлэхгүй байхаар шийдсэн бололтой.
УИХ-ын сонгуулийн өмнөхөн эвлэрч, гэр бүлийн хэмжээнд “ Цэнхэр үст” эмэгтэйгээс харилцаа холбоогоо тасалсан тэд элэг бүтэн, тайван амьдралыг эрхэмлэж байгаа нь мэдээж.
