ҮДБЭЧ-ын бүжигчин гэхээсээ илүү “Зэрлэг цэцэгсийн хүлэмж” киноны Яргуйн дүрээр үзэгч олонд танигдсан жүжигчин М.Бямбаа өнгөрсөн намар нижгэр хурим хийсэн билээ.
Анхны хань нь өөрөөс нь нэлээд олон насаар ахимаг, бүжгийн найруулагч эр байсан бөгөөд М.Бямбаа ч том охиныхоо эцгийг ихэд нууцалдаг.
Нэг хэсэг загвар өмсөгч Б.Амгаланбаатартай үерхэж явсан тэрбээр фото моделиор ажиллаж, реклам сурталчилгаанд багагүй тоглож байлаа. Гэвч олны танил хосуудын харилцаа тэгсхийгээд тасарч, бүжигчин бүсгүй маань нэг л өдөр хуримын зараа түгээсэн гэлцдэг. Түүний сонголт нь царайлаг, цагдаа залуу байсан нь ч илэрсэн.
Өсвөр насны хөөрхөн охиноо аавтай, бас хөөрхөн охин дүүтэй болгоод байгаа М.Бямбаа зуны зугаатай амралтаа тунчиг тансаг өнгөрүүлж байгаа аж.
Аялал жуулчлалын салбартаа томоохонд тооцогддог амралтын газруудаар хэсч, байгалийн сайхан газарт төвхнөсөн амины тансаг сууцандаа бяцхан үрээ асарч суугаа түүний нөхрийг нэлээд хөрөнгөтэй, бийлэгжүү эр гэлцдэг нь үнэн бололтой.
