Загвар өмсөгч О.Билгүүн майхантай аялалын бизнес хийж байна
“Яг түүн шиг” шоунд оролцож шаггүй дуучин гэдгээ, хэд хэдэн дэлгэцийн уран бүтээлд тоглон жүжиглэх авьяастайгаа харуулсан Азийн топ модель, загвар өмсөгч О.Билгүүн аялал жуулчлалын салбарт бизнес эрхэлж эхэлжээ.
Тэрээр цөөн тооны гэр майханд аялагч, амрагчдын авдаг Monkey travel Mongolia гэх баазыг байгуулж, Тэрэлж болон монголын үзэсгэлэнт байгальтай газруудад дотоод аялагчдаа авч явдаг болсон байна. Ингэхдээ долоо хоног бүр нэг хүнийг үнэ төлбөргүй аялуулдаг аж.
О.Билгүүний хувьд “Гэрэлт гудамж” тэргүүтэй олон төсөл, хөтөлбөрүүдийг амжилттай хэрэгжүүлсэн хөдөлгөөнтэй, хөдөлмөрч, бүтээлч залуу юм.
