Топ модель Э.Сэлэнгэ тураах кето дэглэм барьж эхэлжээ
Загвар ертөнцийн цөөн хэдхэн топ моделийн нэг Э.Сэлэнгэ. Даруу төлөв байдлыг эрхэмлэдэг загвар өмсөгч бүсгүй маань сүүлийн үед кето тураах дэглэмийг барьж эхэлжээ. Тэрээр хоёр дахь охиноо төрүүлээд хэдхэн сар болж буй.
Амралтаараа эх орныхоо байгалийн сайханд гэр бүлийн аялал хийж багагүй жин нэмсэн учраас нөхрийнхөө хамт ийнхүү тураах дэглэмийг барьж эхэлсэн байна.
Түүний нөхөр Б.Одбаярын хувьд “Brainstorm” брэндинг, бүтээгдэхүүн хөгжүүлэлтийн агентлагийг үүсгэн байгуулагчдын нэг билээ.
Мисс Э.Сэлэнгэ загвар тайзнаа алхахаас гадна өнгөрөгч 2018 онд нээлтээ хийсэн “Single ladies 3” уран сайхны кинонд “сээтэн Бурмаа” хэмээх малчин бүсгүйн дүрд тоглоод амжсан нэгэн. Зарим үзэгчид түүнд монгол эмэгтэйн намбалаг төрх, үндэсний дээл ихэд зохиж байна гэдгийг ч хэлж байсан юм.
