Өнгөрсөн хавар Хүлэгү болон Номадиа пикчерсийн хамтын бүтээл “Бүтэн амьдрал” олон ангит кино үзэгчдийг байлдан дагуулж нэг хэсэг ярианы сэдэв болсон билээ.
Х-Түц хамтлагийн залуу жүжигчин З.Онон тус киноны гол дүрд тоглосноор өөрийгөө хэр өсөх ирээдүйтэй авъяаслаг гэдгээ таниулж чадсан.
Тэгвэл тус уран сайхны кинонд ажилласан бүсгүйчүүд өдгөө Тэрэлжийн байгалийн цогцолбор газарт аялангаа амарч яваа аж.
Дашрамд дуулгахад, амьдралаас урган гардаг зохиол хүнд илүү их хүрдэг. 24 ангит “Бүтэн амьдрал” киноны зохиол үзэгчдэд нэгийг бодогдуулж, өөрийн амьдрал руу өнгийж харах, ухаарал авах боломжийг олгосон гэдгээрээ бусад киноноос онцлог байсныг хэлэх нь зүйтэй.
