Хурандаатай ханилъя гэвэл цэрэг байхад нь суу
Хурандаатай ханилъя гэвэл цэрэг байхад нь суу гэдэг үг бий. Ерөнхий сайд У.Хүрэлсүх гэргий Л.Болорцэцэгтэйгээ оюутан байхдаа танилцаж, гэр бүл болсон гэдэг. Хоёр охины ижий аав болсон тэдний хуримлаад 30 жил болжээ. Ерөнхий сайдын гэргий Л.Болорцэцэгийн хувьд цэцэрлэгийн багш мэргэжилтэй ч нөхрөө төрийн албанд зүтгэснээс хойш ар гэрийнхээ ажлыг хариуцаж нөхрийгөө сэтгэл амар төрд зүтгүүлж яваа бүсгүй гэж ойр дотныхон ярих юм билээ.
Огцом шийдвэр гаргадагтаа өөрийгөө “Хурандаа” гэж өргөмжилдөг Ерөнхий сайд У.Хүрэлсүх 2012 онд эхнэрээ асрахаар УИХ-ын гишүүний суудлаасаа өөрийн хүсэлтээр бууж байсан. Түүний гаргасан уг шийдвэр өнөөдрийн амжилтад ихээхэн нөлөөлсөн гэж улс төр судлаачид үздэг.
Учир нь тухайн үед хатагтай Л.Болорцэцэг булчирхайн төрлийн хорт хавдараар өвдөж БНСУ-д нэлээд хүнд хагалгаа хийлгэсэн. Тухайн үед одоогийн Ерөнхий сайд У.Хүрэлсүх гэргийнхээ хажуунаас алхам ч холдохгүй асарч тойглож байлаа. Тухайн үед тэрээр эхлээд хувийн амьдрал нь сайн сайхан болоод төвхнөчихвөл дараа нь улс төрдөө буцан орно гэж ам алдаж байсан. Уг амандаа хүрч өнөөдөр Монгол улсын Ерөнхий сайдаар улиран сонгогдон ажиллаж байна.
Ямартаа ч, Нэг өдөр амжилтанд хүрнэ гэж бүү найд. Хамтдаа өдөр бүр зүрх сэтгэл нэгтэй байж чадвал амжилтанд хүрэх өдөр гэж бас байна. Үнэнчээр насан туршдаа бие биенээ хайрла гэдгийг “Хурандаа” сайд маань амьдралаараа үзүүлж яваа бололтой.
