Эрлийз ихэр охидтой дуучин Э.Минжинсор монгол залуутай ханилан суужээ
Одоогоос 20 жилийн өмнө буюу 2000 оны эхээр хөдөлмөрч зан, дуу хоолойгоороо залуусыг байлдан дагуулж зүрхийг шархлуулж, нүдийг хужирлаж явсан бүсгүй бол Э.Минжинсор. Түүний “Нүцгэн байхыг минь битгий хараарай”, “Нууцхан хайр”,”Амрагаа хүлээсэн бүсгүйн дуу” зэрэг уран бүтээл нь үе үеийн хит дууны жагсаалтад байсаар байдаг.
Монголын анхны охидын хамтлаг болох “Спайк” хамтлагийн гишүүн дуучин Э.Минжинсор эд мандаж байх үедээ алс холын Америк улсыг зорьж, тэндээ Грек залуутай хуримлан ихэр охидтой болсон ч хоёр тийшээ болсон.
Муугаа хүнд үзүүлэхгүй гэсэндээ охидоо овоо том болсон хойно эх орондоо бүр мөсөн ирсэн. Ингэхдээ тэрээр залуу охидод харь залуутай суугаад хэрэггүй гэж зөвлөх болсон ч гэх яриа бий.
Харин тэрээр эх орондоо ирээд элэг нэгт энгийн амьдралтай монгол залуутай ханилан суусан гэнэ шүү. Тэд хамт амьдраад багагүй хугацааг үдэж байгаа бөгөөд ихэр охидоо дүүтэй болгох бодолтой байгаа сурагтай. Нас явахын хэрээр нэлээгүй жин нэмсэн дуучин бүсгүй маань олны өмнө гарахаас нэлээгүй цаараглах болсон тухай ойр дотныхон нь жиг жуг хийх болжээ.
