Сугалаанд бүдэрсэн 3 настнууд энэ жил ч гэртээ өнжинө
Дэлхийн нийтэд тархаад буй “COVID-19” цар тахлаас урьдчилан сэргийлэх үүднээс 2 настай хүүхдийг гэр бүлд нь, эцэг, эх, ар гэрийн асрамжинд байлгаж, хамгаалах, хөгжүүлэхээр болсон.
Өнгөрсөн жилийн цэцэрлэгийн сугалаанд бүдэрсэн гурван настнууд ч энэ жил дахин гэртээ өнжих ажээ. Учир нь цэцэрлэгийн удирдлагууд коронавирусын улмаас дахин шинээр гурван настнуудыг бүртгэж авахааргүй болжээ.
Эх сурвалжийн мэдээллээр журамд заасны дагуу цэцэрлэгийн дунд анги буюу 3 настны анги дүүргэлт 60 хувь байх ёстой гэсэн. Ихэнх цэцэрлэгийн хуучин хүүхдийн тоо уг үзүүлэлтэд хүрсэн байгаа аж. Тиймээс өмнөх жилд цэцэрлэгийн сугалаанд бүдэрсэн 2017 оны хүүхдүүд энэ жил хоёр настнуудын адил аав ээжийнхээ асрамжид гэртээ хүмүүжих нээ.
Эцэг эхчүүдийн зүгээс уг асуудалд маш бухимдалтай хандаж байгаа. Тэд коронавирусын дотооддоо алдаагүй, өвчин дэгдээгүй байхад “өвчний улмаас” гэх шалтгаанаар сугалаанд бүдэрсэн хүүхдүүдээ хохироож байгаад халаглан харамсаж суугаа бөгөөд БШУЯ-наас гаргасан уг шийдвэр нь хүүхдийн сурч боловсрох эрхэнд халдаж, бүх зүйлээр боож хааж байна гэж үзэж байгаа аж.
Уг нь хүүхдийн хүмүүжлийн эхэн үеийн бүх суурь тавигдах нас бол 2-3 нас. Ийм насандаа шинэ дуу шүлэг бүжиг сурч, нийгэмшиж чадахгүй гэртээ байна гэдэг хүүхдүүдийн хувьд харамсалтай.
Нийслэлийн төрийн өмчийн цэцэрлэгүүд энэ долоо хоногоос шинээр элсэх 4-5 настай хүүхдүүдийг энэ сарын 21-нийг дуустал бүртгэж, сургуульд бэлтгэх зорилгоор цэцэрлэгт бүрэн хамруулахаар болсон байна.
Хүүхдүүдээ ийнхүү алагчлан үзэж буй улс үндэстэн дэлхийд ховорхон буй биз ээ.
