Удган Т.Заманд охидоороо гангарав
Дуучин Укагийн ээжийг удган Т.Заманд гэдгийг мэдэхгүй хүн ховор.
Хөвсгөлөөс гаралтай удган Т.Заманд гуайн хувьд “Зөн билгийн тулаан I, II”-ын ялагч гэдгээрээ алдартай. Эгэл амьдралаар амьдардаг энэ эмэгтэй таван охин, ганц хүүгээ өсгөн хүмүүжүүлэхийн зэрэгцээ токарьчин, таксины жолоочоос ажлын гараагаа эхэлж, улмаар сүүлийн 16 жил тариалан эрхэлж байгаа ажээ.
Тэрээр хүүхдүүдээрээ их бахархадаг бөгөөд тусдаа гарсан охидтойгоо ойр ойрхон уулзаж тэднээрээ гангарах дуртай гэсэн шүү. Тэрээр нэгэн ярилцлагандаа “Укаг ой хүрээгүй, хөхний сүү ширгээгүй байхад хилс хэргээр “Ганц худаг”-т сууж байсан гунигт түүхээ дурсжээ. Харин азаар удалгүй суллагдсан байна. Дуучин Укагийн хувьд удган Т.Заманд гуайн дөрөв дэх хүүхэд аж.
Түүний дор 1985 онд төрсөн ганц хүү байдаг бөгөөд 1989 онд бага охин Д.Уранзаяагаа төрүүлсэн тухайгаа ярьсан байна.
