Хүмүүнлэгийн элч дуучин байхдаа төрөх дөхсөн эхнэрээ орхиж “Киви” хамтлагийн дуучин Б.Халиунтай дэр нэгтгэсэн хүн бол О.Анхбаяр.
2000 оны эхээр анхны эхнэрээ хэвлэлд магтан дуулдаг байсан тэрээр одоогийн эхнэр үзэсгэлэнт Б.Халиунтай танилцаад анхны ханиа шууд хаясан гэдэг.
Тэд тухайн үед өөрсдийгөө олонд хүлээн зөвшөөрүүлэх гэж “О.Анхаа Б.Халиун” гэсэн цуврал тоглолтоо хэдэн жил хийж, хамтдаа дуулсан.
Гэвч тэдний том хүү А.Чингүн аавынхаа анхны гэргийгээс төрсөн хүүхэдтэй нь нас чацуу, зүс ижил гэдэг.
Төрөх дөхсөн эхнэрээ үнсэнд хаясан шалж шиг хаяж орхисон намтартай дуучин О.Анхбаяр өнөөдөр нам дагаж улс төрийн тогоонд шургалж, намынхаа төлөө хөлөө хугалахаас наагуур гүйж яваа харагдана.
НАМЗХ-ны гишүүн сэтэртэй тэрээр Хан-Уул дүүрэгт намаа төлөөлсөн төрийн албан ажилтай гэсэн.
Магадгүй ирэх 2024 оны УИХ-ын сонгуульд нэр дэвшээд явж байх ч юм билүү, хэн мэдлээ.
Харин түүний гэргий Б.Халиун айлын эр нөхөр булаасан гэмд унаж, 2005-2006 оны үед хэвлэлээр ёстой л гөвүүлэх шиг болсон. Хэдэн жил нам гүмхэн амьдарсан. Гурван хүү төрүүлсний дараагаар дархан бэрийн цолоо мандуулж түүний гэм цайрсан гэхэд болно.
Магадгүй ард түмэн тэдний дурлалын дууль, түүхийг мартсан байх.
