Жүжигчин Ш.Жавхлхан цахим хуудаснаа”НАДАД БИТГИЙ ХҮН МУУЛААРАЙ”
Найз минь анд минь танил минь
Надад битгий л хүн муулаарай
Өөрийн биеэ таних гэж яваа надад
Өрөөл бусдыг муулж суух сэтгэл алга аа
Хэнээс салсан хэнтэй суусан хэдэн эцгийн хичнээн хүүхэдтэй
Хөөрхөн үү муухай юу хэрхэн баяжсан гээд
Хүний амьдрал надад хумхын тоосны чинээ сонин биш байна
Өөрөө би сайн хүнсэн билүү гэж өрлүүгээ өнгийж суух нь
Өрөөл бусдын хөнжилрүү өлийж байхаас л дээр байна
Би чинь хэн билээ гэж биеэ #чагнаж загнаж суух нь
Бусад хүний тогооруу бүлтэгнэж байхаас л илүү байна
Хүүхдээ хүн шиг өсгөх гэж хичээж явах нь Хүний үрийг муулж хэвтэхээс л хавь илүү дээр байна
Ханиа хэрхэн зөв хайрлах тухай тунгааж бодох нь
Харь элгийн бусдын тухай хазгай муруй ярьж суухаас л хэдэн мянга илүү байна
Найз минь танил минь анд минь
Надад битгий л хүн гоочлоорой
Өнөөдөр би танил чинь байх ч
Өөр нэгэн өдөр би алдвал яах уу?
Тэр үед чи миний амьдралын тэг зогсоолоос хамт ирсэн юм шиг
Яг унахад минь дагаж унаж
Яг босоход минь цуг боссон мэт
Амьдралын минь бүхий л #жаргал хийгээд зовлонг
Аман дахь #хоолтойгоо цуг үсчүүлэн ярих уу?
Аль эсвэл өрөвдөж байгаа юм шиг эхлээд өстөн ч юм шиг өрнүүлээд
Атаархаад ч байгаа үгүй нь мэдэгдэхгүй амандаа орсоноо бувтанаад
Аль газрын хэнбугайд ч хамаагүй ярьж
Амьдралиар минь амьд драма тоглох болов уу?
Уучлаарай би завгүй байна
Урдах зам минь гэрэлтэй байна
Хогийн ургамал шиг хов живээр чинь
Хооллох хүсэл алгаа аа зам тавина уу
