“Жигүүр гранд” залуу эзэгтэй одонгийн хүүхдээ тээж байгаа гэв үү
“Жигүүр гранд” группын эзэн, гавъяат барилгачин Д.Баттөр албан ба албан бус хоёр эхнэртэй.
Анхны гэргий, албан ёсны эхнэр Эрдэнэтунгалаг нь өдгөө 60 насны босгыг хол давсан Д.Баттөр гуайд зургаан хүүхэд төрүүлж өгсөн бол бага гэргий буюу хамтран амьдагч А.Онон бүсгүй дөрөвдэх хүүхдээ тээж байгаа сурагтай.
А.Онон бүсгүй “хар залуу”-гаасаа Д.Баттөрийн нөмөр нөөлгөд багтаж, хамтран амьдарч эхэлсэн бөгөөд нэг хүү, хоёр охиныг нь төрүүлж өгсөн. Том хүү нь өдгөө гадаад гүрэнд цэргийн сургуульд суралцаж байгаа бол бага охин нь сэвлэг даахиа үргээж амжаагүй “нялх”-аараа байгаа.
Баатарван амралтын газрыг хариуцаж ажлуулдаг А.Онон хатагтай дахин давхар биетэй болсон бололтой. Тэрээр саяхан болсон амралтын газрынхаа ойн баяраар давхар биетэй зургаа өөрийн цахимд нийтлэсэн нь олны анхаарлыг татлаа.
Өдгөө 40 насанд дөхөж буй А.Онон хатагтайн хувьд мэдлэг боловсрол өндөртэй, загварын хүүхнүүдээс дутахгүй биеэ авч явдаг гэдгээрээ үеийнхэндээ гайхагддаг.
